選擇人生第一支貝斯
古語有雲「工欲善其事，必先利其器」,雖然我唔會100%認同呢句說話，不過在初學嘅階段，有一支適合自己嘅Bass確係非常重要的，但係點為止適合自己呢?http://erikismbass.com/wp-content/uploads/2017/04/Arial-Pro-II-SLB-300x180.jpgArial Pro II SLB
記得很多年前，第一次接觸Bass，從朋友手上接收了一支叫什麼Arial Pro II SLB的Bass，一千元不到的價錢，聲音如何就不懂去說，只記得是換上了EMG的Pick Up。如果作為新手練習之用，我也覺得很足夠了，不算很好彈，但又不算太差，對得起個價。當你去買Bass嘅時侯，可能你未必清楚知道自己想要是什麼類型嘅聲音，你會發現有啲Bass發出的聲音十分柔軟，有啲聲音卻十分搶耳；
對初學者來講，想玩又唔想用咁多錢，咁樣你便要細心考慮了。我自己也是過來人，當年第一支Bass是朋友轉讓的，用來練習其實已經好足夠了。不要誤會為佐玩音樂便要用全副身家去買樂器，絕對非也! 呢世界並非只得音樂一樣東西等你去你追求，最重要是你覺得物有所值。
到你開始認識佐Bass呢樣野，你清楚自己想要什麼聲音，到時再買一支貴野、啱自己口味嘅Bass都唔遲。當然，如果你一開始已經好清楚了解自己想要什麼聲音，你大可以唔使理我呢篇文章，浪費你的時間了。
閱讀更多有關貝斯的資料:
以下是一個初學者選購Bass的準則：1. 手感 (坦白講，手感都是一份錢一份貨，平價Bass講手感似乎又不太適合。)唔好同人講你要咩聲要咩聲，你彈得唔舒服，還有什麼音樂感、手感可言？ 更何況新買的琴聲呢？特別在新手期，很容易因為手感差、彈極都彈唔好而放棄。所以新手買Bass，最緊要都係要啱自己手型，彈上去舒服先得。
2.外型如果支Bass你第一眼望上去覺得個樣唔得，咁你千祈唔好買。因為連你自己都覺得支Bass樣衰，你真係唔會想攞起佢來綀習，久而久之你便會放棄唔想再彈落去，你要知道玩樂器呢家野真係三成係天份，七成靠努力練習返來的，你唔練習就一定唔會彈得好。
3.牌子我不是虛榮心作祟，就是從實際角度出發，在你新手唔識得去測試一支Bass嘅時侯，買一支有牌子的Bass(例如Fender墨西哥廠或者一些日本牌子入門級)，其實係一個比較保險嘅做法。仲有，當你想賣佐佢換支新Bass，應該也能賣到一個比較好嘅價錢，點講都比你買雜牌、山寨或者冒牌更好、更有經效益。仲有搵間比較有信譽嘅琴行買亦都係比較有保障的，記住張單要好好保存。
4.聲音新手期間，自己都唔知想要咩嘅聲音，有一支Bass發出令你唔討厭的聲音便可以了。 記得試嘅時侯，你要有耐性，儘管試清楚每一個琴格，聽吓有無咩雜聲。試聲嘅時侯，每次獨立試一個Pick Up嘅聲音。當每個Pick Up都獨立試過後，再試一次全開嘅效果，試清試楚就可以了，反正試嘅時候係唔使錢的。至於Amplifier方面，其實也是不用太執著，都係果句，有錢就買好一點，無錢就睇餸食飯，每個牌子都有入門級，真係唔知買邊隻就揀有牌子或者款式來買就算了。一開始在家用的話也不用買那麼貴，基本上10W都已十分足夠。都係果句，你有錢的話不妨買大點一點的，15吋會更加好，對低音輸出會更好，不過15吋其實都已經幾貴。
如果你有朋友彈開Bass的，搵佢陪你一齊去買吧！佢識嘅比你多，而且你也可以同佢商量一下，至少你的錢能買回一支價值相等的Bass。
最後，玩樂器呢家野，你嘅預算有幾多，便買幾多吧！自己喜歡就可以了，不過休想用一千可以玩到五千嘅表現。
雖然設備係重要，但初初學習，還是不要太過追求設備，好好去練習好先再講吧，玩音樂，又唔一定係燒銀紙的。
好文章，不过还是简体字比较习惯，繁体有点复杂 言之有理！初学者多练为上。 其实我都有D想买Arial Pro II，不知道哪里有
页:
[1]