|
|
发表于 2014-7-20 13:03:45
|
显示全部楼层
多聽聽 “南音” ， 是少有的地方音樂能和 blues 比美的。
白駒榮 - 客途秋恨
有別於泉州南音，廣東南音自成一格，係南方「彈詞」嘅一種，同木魚、龍舟、粵謳、板眼都被稱為粵調。廣東南音又叫做地水南音，係廣東「說猶如唱，唱猶如說」嘅獨特說唱曲藝，喺二十世紀初期最盛。瞽師或師娘（盲人樂師／盲人歌女）糅合咗木魚、龍舟等廣東講唱傳統彈唱，歌曲內容多數係抒發個人嘅坎坷遭遇、離愁別緒，經常有自傷自憐嘅主題，令廣東南音別樹一格，所以後期亦被人攞嚟同美國黑人藍調比較。演唱技藝嘅傳授幾乎全靠口授。著名曲目有《嘆五更》、《客途秋恨》、《祭瀟湘》等，而《今夢曲》就喺唯一一本南音曲集。
南音喺十九世紀中葉至二十世紀初妓院、煙館、茶樓上經常聽到嘅現場表演音樂，由於涉及色情場所，歌詞唔少都同男歡女愛、色情題材有關。同時，廣東豪富世家詩酒風流，蓄養瞽師、歌姬、瞽僮以備歌唱。二十世紀二三十年代後，豪戶大宅沒落，加上1935年香港禁娼，地水南音亦開始式微。不過，二十世紀二十年代起，粵劇開始吸納地水南音的講唱方式，逐漸發展為戲台南音，令到南音嘅部份神髓得到傳承。著名嘅南音唱家包括鍾德（盲德）、劉就（盲就）、桂妹師娘、眇姬麗芳、白駒榮、陳鑑、何耀華、盲賢、盛獻三、杜煥等等。 |
|
虽然我看不懂大龙在说啥，想说啥，但是我觉得顶一下大龙的贴子，显得我会很有文化
